(鳴謝 朱海泉 駕師教師 義務替本信箱擔任顧問主持, 主持會每月輪流為各位解答疑難)
筆者十多年前亦是學神一名, 記得當時考車牌的心情比起考大學公開試還要緊張, 可謂終日患得患失, 興奮莫名, 但憂困重重, 學車的情景常常一幕一幕湧現, 師傅的吩咐訓示亦常在耳邊重覆, 學神會四處請教有駕駛經驗人士, 問了幾問更開始懷疑自己所學的駕駛動作, 點解依個技巧無聽過, 那個技巧好似唔熟喎 !
這時滿腦子充滿似是而非之意見 , 問題一大籮 ..........................
例如 :
~上車時是移坐椅先, 還是較倒後鏡先, 還是check波棍先, 還是叫早晨先呢 ?
~ 幾時入二波? 幾時入三波? 係唔係一定要入一次三波給考官睇 ?
~ 行車太慢會肥我嗎?
~ 吊極力子死火會肥嗎 ? 點解個極力子磨擦位這麼難習慣 ?
~ 剎車時車子前衝大勁會肥嗎 ?
~ 踏油門過大會否肥佬 ?
~ 落斜上斜用幾多波 ? 一轉彎就落斜應該用一波定二波 ?
~ Cut線前擰頭擰幾多次, 幅度要幾大才0岩 ?
~ Cut左線或右線時, 望左鏡先定望右鏡先, 左右各望幾多次至0岩 ?
~ 出十字路口時, 應該望左定望右先, 左右各望幾多次至0岩 ?
~ 夏天考車時可唔可以開冷氣 ?
~ 係唔係考最尾個位考生容易 PASS 呢 ?
~ 係咪每個考場都有一個殺人王考官 ?
~ 掉頭時何謂扭死呔, 點樣會肥佬嗎 ?
~ 前面有慢車, 死車怎麼辦 ?
~ 考完牌要否下車熄匙死火 ?
~ 考牌當日下大雨怎辦 ? 唔識用水撥會肥嗎 ?
~ 係唔係何文田考場有一個拍手位 ? 好多呀伯等睇你肥佬拍掌 !
~ 問題多到問師傅都問唔掂 , 怎辦 ?
最要命的是考期迫近, 還有好多駕駛技巧未純熟, 甚至明天要考了, 今晚自我感覺十分不良好, 仿似完全唔識開車一樣, HELP 怎辦 ? 筆者對上述情況最感明白, 假如你有上述煩惱, 你可能已患上學神學車驚恐症, 不用擔心, "學神疑難信箱" 應該幫到你, 你只要寫一個電郵給我們, 本信箱之資深教車顧問主持 朱海泉駕駛教師 便會義務替你解答所有有關之學車疑難, 技術指導, 剖析心理障礙, 報名排期手續等等問題 , 本站祝閣下能輕輕鬆鬆地學車, 快快樂樂地考牌成功, 更理想是 一次 PASS 啦 !