| 事故標題:
飛車危險駕駛 事發日期: 2005年1月 事發時間: 凌晨3:00am 事發地點: 佐敦解放軍附近既橋面 事發經過: 十幾廿架飛車仔係咁衝線又快又狼,好在d司機醒目讓個班飛車行先啦...好似睇緊賽車咁...嚇得我丫,個班友唔知係唔係黐X線,危及公眾安全!雖然我唔係揸車者...剩係坐人地架車我都驚,都唔明點解d人揸咁快做乜呢?要揸咁快都係要行去無人無車既路先揸快D都無問題呀,成幾架正經車係處經過架,一個唔留神真是死得人多,要嚴懲下d飛仔車既人啦!! 唔好當成香港條路係比賽啦,玩哂咩?想比賽就去澳門練車啦,咪係HK練丫! 該位道路使用者應受到: 譴責 提醒及改錯建議: 危險駕駛,亂CUT線~幾廿架辣車,富士三菱本田日產(辣車) 要顧下D人~咪咁快~咁窄既路讓下人揸慢少少都OK既~! 投稿者姓名: J仔 Email: barry888hk@yahoo.com |
| 事故標題:
掃把佬挑戰飛蛾山 事發日期: 11/04 事發時間: 21:00 事發地點: 飛蛾山 事發經過: 當日渣住架掃把佬諗住上下飛蛾山玩下,因為渣左咁耐車都未上過去 聽朋友講又好似剌激, 我自問技術都有返咁上下! 於是便一口氣衝了上去....點知..上到去第一個急彎就差d飛落山 因為我唔知道個彎有幾深 就不停踩油去 我諗都諗唔到個彎係咁深.... 我仲傻到話"咁遠黎到..第一個彎就差d死..." 該位道路使用者應受到: 譴責 提醒及改錯建議: 唔好以為自己技術好好 唔識路都唔好渣咁快!! 投稿者姓名: 咀 電郵 Email: teddyrvf@hotmail.com |
| 事故標題:
抽頭撞死人地隻狗, 一世都唔安樂!! 事發地點: 官塘彩雲村內馬路 事發日期: 07/2001 事發時間: 16:00 事發經過: 當年我地一班新牌仔駕住架二手車到上址, 前車突然慢車, 小弟有少少火, 便急急從其右邊抽頭出過佢, 那處街上正正時星期日下午, 街上人頭湧湧, 我其實睇清楚左右無人行出馬路, 於是車速不減地抽頭出, 約30km, 點知當爬頭至左車頭前方...... 便呯呯幾聲, 車底"朗"兩"朗", 還聽到似狗慘叫聲, 無知車到小動物了, 但根本我在司機位係看唔到其跑出來, 車衝前幾米後急停下, 我左面個老友叫打開門探頭一望, 是輾斃了一頭小西施狗, 個老友佢叫我唔好睇la, 怕影響我情緒 ....... 我們在路邊停了約三分鐘都不見有狗主出來, 本想向他道歉, 但總不見人出現, 故此我地決定離開了...... !! 雖然過了多年, 回想起車死一隻小動物個心已很唔舒服, 心想如果車到人個心更加一世不安啦, 自此駕車都小心好多, 希望大家有機會睇到我既經歷, 警惕自己, 車到人或動物你會一世唔安樂呀, 小心駕駛 !! 該位道路使用者應受到: 譴責 提醒及改錯建議: 爬頭, 切線, 出路口都不能急, 意外多數由此生 投稿者姓名: 南 電郵 Email: CHIOTO@SINA.COM.HK |
| 事故標題:
駕車時傾手提電話差點害死人 事發地點: 荃灣轉入昌榮路迴旋處 事發日期: 11/2005 事發時間: 12:00 事發經過: 當時我正由梨木樹去荃灣轉入昌榮路迴旋處, 想由青山公路口出去荃灣, 我車行中線, 重有半個圈便要出迴旋處我便打定左燈慢慢靠左行, 此時有一輛黑色GALANT私家車由我左面路口駛入並與我架並排行, 他想轉右繞圈出九龍, 但個司機正在手握電話煲粥, 根本無注意我在他右邊, 當到我要出的出口時, 他更加速在我車頭, 整個過程只有3-4秒時間, 好彩我及時扭軑轉右, 否則大家便交叉相撞, 到此刻對方司機才發現我的車, 他才連忙揮手道歉 .... 大家都出一身汗 該位道路使用者應受到: 譴責 提醒及改錯建議: 所以在駕駛時唔好傾手提, 害人害已, 我地小心駕車個亦提高警覺, 因有好多唔小心的道路使用者 ! 投稿者姓名: DAVID 電郵 Email: TUR45@YAHOO.COM |
| 事故標題:
綠燈亮千其咪立刻開車 事發日期: 7/2004 事發時間: 晚上11:30 事發地點: 尖沙咀麼地道出梳利士巴利道 事發經過: 本人駕車有一習慣, 就是綠燈亮時, 我不會立即起步, 無論我是行人或駕車, 我都會看清楚有無另一條行車線的駕車者衝燈(或者對方飲了酒或分心誤以為是綠燈或者完全唔知有紅綠燈在前面, 種種因素...). 那晚, 我位置的綠燈亮了, 我留意到從梳利士巴利道有一的士飛馳將至他方的燈前, 沒有收油跡象, 我方綠燈亮了1秒...2秒...3秒..., 那的士果然以約70km衝過此十字路口, 好彩我沒有出車, 否則一家大細就有事了...... 各位, 見得綠燈前,斑馬線前千萬要看清楚有無非法衝燈者呀 !! 該位道路使用者應受到: 譴責 提醒及改錯建議: 綠燈前,斑馬線前千萬要看清楚有無非法衝燈者才起步呀!! 投稿者姓名: 方先生 電郵 Email: fongyama@hotmail.com |
| 事故標題:
光頭車胎累事 事發日期: 好多年前 事發時間: 下午 2 :30 事發地點: 彩虹村入清水灣迴旋處中 事發經過: 我當時是新牌仔, 約剛考了牌一年, 買了架二手CIVIC EF 無尾個隻, 那時我的駕駛技術都算熟練了, 但自問路面經驗未係好足, 當日我載著我個女朋友 即依家個老婆大人去清水灣遊車河食海鮮, 那日正下毛毛雨, 地面濕濕地, 我以時速30km入了那彩虹村迴旋處, 剛巧前面架巴士突然慢車, 我地距離約5個車位, 我立即拖brake, 甚料此時整架車打橫行, 還開始橫掃直迫個架九巴, 由於煞車聲好大 , 巴士乘客都望向我方見我架車失控衝梗個好...................... !! 幸好, 我車尾到距離巴士車身1尺左右終停下, 我同女朋友同嚇惾........... !! 之後我對架車性能有懷疑給車房檢查, 機件係沒有問題, 問題在一對頭胎, 需然胎紋仍深, 但橡膠質地已硬化, 去車胎舖換胎時老細話條呔至少有六年, 需然少用但不安全了, 以至0甘容易 "扇"呔. 該位道路使用者應受到: 譴責 提醒及改錯建議: 唔好以為呔紋夠深就ok, 車呔年齡好影響安全呀 !! 投稿者姓名: 余先生 電郵 Email: 22htimail@gororden.com |
| 事故標題: 心情不佳勿開車,
差點衝落山 事發日期: 7/1999 事發時間: 下午 6:00 事發地點: 大霧山頂瞭望台一小徑 事發經過: 個次正午剛與女朋友吵左一大場, 便獨自飛車上左大霧山散心, 到左大霧山頂瞭望台坐左半點鐘準備離開, 由於那日是星期六, 車特別多, 離開要經過一條單程車路先到露天停車場(去過既人會有印象), 這時又是落住毛毛雨, 前面單程路又大塞車, 我心情又唔靚, 我等左好耐, 見前面有個新牌仔開得好慢落斜, 我即時火起上來就爬去頭, 此單程路下斜時右邊是山, 左面是崖, 我唔識死從左邊過左個新牌仔, 但當我抽回來時迎面有一大車衝上前, 我連忙扭左避它並急剎車, 可能我車係向下, 點知一踏brake架車向左前方滑, 我大叫死喇....... ! 嚇死我, 架車好彩停下, 否則必衝落山崖, 我估計個山崖有100米深(係一條角度超過大斜坡)...... 我落車望一望個左前轆, 原來只差尺半就跌了...... 我係死過翻生!! 該位道路使用者應受到: 譴責 提醒及改錯建議: 記得心情唔好, 特別飲左酒, 千萬咪開車 投稿者姓名: 田少 電郵 Email: hkomdee@yahoo.com.hk |
| 事故標題:
屯門公路爆大銀幕事件 事發日期: 2/2002 事發時間: 下午2 : 30 事發地點: 屯門公路去屯門小欖落斜段 事發經過: 個次好驚險, 當駕車(95 corolla) 去到小欖落斜段中段一微彎角, 突然 "彭"一大聲, 眼前什麼都看不見, 我好似發夢, 約2~3秒左右我才醒過來知道爆左擋風玻璃, 由於是微彎, 我差d就撞埋山, 整塊大銀幕通白色碎裂沒有即時倒下, 好似只有右下角有一約手掌大的位置未變白粉碎, 我就靠此小窗睇路捱到小欖水警橋底把車停低, 然後將大銀幕整穿, 露出一個大孔, 讓我睇見路返到屯門換一執新既擋風玻璃. 該位道路使用者應受到: 讚賞 提醒及改錯建議: 屯門公路, 高速公路好多飛沙走石, 大銀幕要小心 !! 投稿者姓名: Johnny 電郵 Email: Johnnywwtoo@yahoo.com |
| 事故標題:
人地黑夜飛車累及其他司機 事發日期: 3/1997 事發時間: 午夜 2 : 00 事發地點: 九龍西九龍走廊尾去美孚方向一斜位 事發經過: 該位道路使用者應受到: 譴責 提醒及改錯建議: 黑夜, 清晨, 假日駕車要小心, 有好多人係唔顧人亂飛車 投稿者姓名: 達文 電郵 Email: yopantee@pantee.com |